giovedì 31 dicembre 2009

MARIA SS. MADRE DI DIO - Solennità - 1 Gennaio 2010



1 GENNAIO
MARIA SS. MADRE DI DIO
Solennità

MISSALE ROMANUM
VETUS ORDO - NOVUS ORDO

Radix Iesse flóruit

et virga fructum édidit;
fecúnda partum prótulit
et virgo mater pérmanet.

Præsæpe poni pértulit

qui lucis auctor éxstitit;
cum Patre cælos cóndidit,
sub matre pannos índuit.

Legem dedit qui sæculo,

cuius decem præcépta sunt,
dignándo factus est homo
sub legis esse vínculo.

Iam lux salúsque náscitur,

nox díffugit, mors víncitur;
veníte, gentes, crédite:
Deum María prótulit.

Iesu, tibi sit glória,

qui natus es de Vírgine,
cum Patre et almo Spíritu,
in sempitérna sæcula. Amen.